Буюк маърифатпарвар Маҳмудхўжа Беҳбудий таваллудининг 145 йиллигига бағишланган ''Маҳмудхўжа Беҳбудий ҳафталиги'' доирасида вилоят халқ таълими ходимларини қайта тайёрлаш ва уларнинг малакасини ошириш ҳудудий марказида жойлашган Маҳмудхўжа   Беҳбудий ҳайкали пойига гуллар қўйилди. 
Вилоят ва шаҳар ҳокимлиги, таълим муассасалари   вакиллари, шоир ва ёзувчилар, оммавий ахборот воситалари ходимлари ҳамда Беҳбудийнинг эваралари иштирок этган тадбирда буюк маърифатпарвар олимнинг ҳаёти ва фаолияти, илмий-адабий мероси ҳақида сўз юритилди.
Келгусида Самарқанд шаҳри марказида Маҳмудхўжа   Беҳбудий ҳайкали ўрнатилиши кўзда тутилгани маълум қилинди.