Бу кун шунингдек, хотин-қизлар илмий-техник ҳамжамиятларда ҳал қилувчи ва муҳим ўринга эга эканликлари ва уларни тақдирлаш, қўллаб-қувватлаш ва рағбатлантириш лозимлигини эслатиш ҳамдир. Ушбу сананинг нишонлаш тадбирлари дунё бўйлаб ЮНЕСКО томонидан амалга оширилади. Ўзбекистон аҳолисининг 50,3 фоизини хотин-қизлар ташкил қилади. Юртимизда мактабгача, ўрта, ўрта махсус, олий таълимнинг самарали тизимида хотин-қизларнинг таълим олиш ҳуқуқини тўлиқ таъминлаш муҳим йўналишлардан бири саналади. Бугун аёллар таълим ва фан соҳаси ривожига салмоқли улуш қўшмоқда. Ўзбек олима аёллари химия, биотехнология, қишлоқ хўжалиги ва бошқа жабҳаларда ўзларининг кучли интеллектул салоҳиятини намойиш этишмоқда ва бу кўплаб халқаро илмий марказлар томонидан ҳам юксак баҳоланмоқда. 
Мамлакатимизда илм-фан, таълим, соғлиқни сақлаш, санъат ва маданият соҳаларида фаолият олиб бораётган хотин-қизларнинг улуши 72 фоиздан иборат. Бу эса опа-сингилларимизни ҳар томонлама иқтидорларини намоён этишларида қўллаб-қувватлаш аҳамиятли ва долзарб эканини англатади.