Вазирлар Маҳкамасининг “Ахборот-кутубхона аълочиси» кўкрак нишонини таъсис этиш тўғрисида”ги қарори ижросига кўра, олти нафар кутубхоначига “Кутубхона аълочиси” кўкрак нишонини топширишга бағишланган тадбир ўтказилди.

Унда вилоят ҳокимининг ўринбосари, туризм ва спорт бош бошқармаси бошлиғи Б.Нуруллаев иштирок этиб, кейинги пайтда китобхонликни ривожлантириш, аҳоли, айниқса, ёшлар ўртасида китобсеварлар сонини кўпайтириш борасида кенг тарғибот ишлари амалга оширилаётганини таъкидлади. 

Тадбир давомида вилоят кутубхона ахборот-кутубхона маркази директори Шаҳодат Аҳмедова, мазкур кутубхона ходимлари - Муҳаббат Шертоева, Насиба Мирзаева, Самарқанд давлат университетининг илмий кутубхонаси директори Мадина Насруллаева, Каттақўрғон шаҳар ахборот-кутубхона маркази директори Ўткиржон Негматов ҳамда вилоят болалар кутубхонаси бош мутахассиси Гулбаҳор Шариповага ушбу мукофот топширилди.