Oqdaryo tumanining Dahbed shaharchasida yangitdan barpo etilgan Axborot-kutubxona markazi binosining ochilish marosimi bo‘lib o‘tdi.
Prezidentimiz Shavkat Mirziyoev ishtirok etgan O‘zbekiston yoshlari forumida Shafoatxon Abdullaeva dahbedlik faol yoshlar vakili sifatida davlatimiz rahbaridan shaharchada axborot-kutubxona barpo etilishida amaliy yordam so‘ragan edi. Bu taklif Yurtboshimiz tomonidan qo‘llab-quvvatlandi va qariyb 2 milliard so‘m mablag‘ evaziga ushbu axborot-kutubxona binosi barpo etildi.

Axborot-kutubxona bo‘limi 5 mingga yaqin yangi adabiyot, 26 ta komp'yuter jamlanmasi, mebel' jihozlari bilan ta'minlandi, elektron adabiyotlar bilan tanishish bo‘yicha kerakli imkoniyat yaratildi.

Eng muhimi, hudud aholisi, xususan, yoshlar uchun 2021 yil – Yoshlarni qo‘llab-quvvatlash va aholi salomatligini mustahkamlash yilida kitob o‘qish, ilm-fan sirlarini egallashda ajoyib imkoniyatga ega bo‘ldi.