Бугун вилоят Матбуот уйида ўтказилган ўқув-семинарида вилоятдаги интернет нашрлар қай даражада ахборот тарқатаяпти, ўқувчиларни кўпайтириш учун қандай усуллардан фойдаланаяпти, қайси жиҳатларга эътибор қаратилаяпти деган саволларга жавоб изланди.
Дастлаб “Вилоят газеталарининг электрон нашрларида ахборот тарқатиш тажрибалари» мавзусидаги ушбу ўқув-семинарида соҳада юз бераётган ўзгаришлар, жумладан, газеталарнинг электрон вариантларга ўтиш зарурияти, бу борада амалга оширилаётган ишларга урғу берилди. Ушбу жараёнда вилоятдаги интернет нашрларнинг фаолиятига таҳлилий баҳо берилди.
 Семинарда “Zarnews” веб-сайти муҳаррири Ғ.Шерхолов интернет нашрга ахборот жойлаштириш усуллари билан ўртоқлашди. Шунингдек, интернет журналисти Шерзод Ражабов ижтимоий тармоқларда обуначилар сонини кўпайтириш усуллари тўғрисида маҳорат дарсини ўтди.