Бу ҳақда бугун вилоят Матбуот уйида 2020 йилги пахта йиғим-терими давомида мажбурий меҳнатга йўл қўймаслик ҳамда теримчилар учун муносиб меҳнат ва дам олиш шароитларини яратиш юзасидан мутасадди ташкилотлар устидан қатъий назоратни таъминлаш бўйича Самарқанд вилоятига бириктирилган Республика ишчи гуруҳи томонидан ўтказилган матбуот анжуманида айтилди.
- Бу йил Ўзбекистонда мажбурий меҳнат ва болалар меҳнатига йўл қўйилганда жиноий жавобгарликка тортиш ваколати берилган.-деди Олий Мажлис Сенатининг вилоятдаги ишчи гуруҳи раҳбари Фарҳоджон БОТИРОВ. – Шунингдек, бу йилдан ғалла ва пахта режаси бекор қилинган. Энди ҳокимликлар ихтиёрий теримчиларни иш ҳақи ва озиқ-овқат билан таъминлайди. Агар мажбурий меҳнатга жалб қилиш ҳолатлари кузатилса, давлат меҳнат инспекциясининг 235-35-36 телефон рақамларига мурожаат қилиш мумкин.