Viloyat Matbuot uyida O‘zbekiston Jurnalistlari ijodiy uyushmasi va Tojikiston Jurnalistlari ittifoqi o‘rtasida o‘zaro hamkorlik to‘g‘risida hamkorlik memorandumi imzolanishi munosabati bilan tadbir o‘tkazildi.
Tadbirda Tojikiston Jurnalistlari ittifoqi raisi Zinatullo Ismoilzoda, O‘zbekiston Jurnalistlari ijodiy uyushmasi Samarqand viloyati bo‘limi raisi Farmon Toshev, viloyatda tojik tilida efirga uzatilayotgan ko‘rsatuv, radioeshittirish hamda "Ovozi Samarqand" gazetasi xodimlari ishtirok etdi.

- Kecha O‘zbekiston Jurnalistlari ijodiy uyushmasi raisi Olimjon O‘sarov bilan hamkorlik memorandumi imzoladik, - dedi Z.Ismoilzoda. - Maqsadimiz ikki davlat o‘rtasida ijtimoiy-madaniy sohalardagi hamkorlik aloqalari kuchaytirish, bu borada ommaviy axborot vositalari faoliyatini kengaytirishdan iborat.
Anjuman davomida Tojikiston Jurnalistlari ittifoqi tomonidan samarqandlik bir guruh jurnalistlarga a’zolik guvohnomalari topshirildi.